Little Woodstock Festival 2016 am 04-06-2016 *

No enger längerer Abstinenz, organiséiert de Café Little Woodstock zu Iernzen, zesumme mat "EMF" fir d'zweet konsekutiv, de little-Woodstock-Festival. Dëse fënnt statt de 4ten Juni an soll éischter als eng grouss "Open-Air-Party" consideréiert ginn, mat Frënn, Bekannter, Museker an all aner Aficionados vun Sonn an Musik. An wei all "Party" déi sech respektéiert, gëtt et natierlech eppes fir den Honger an fir den Duscht, ma net nëmmen. Ween eng temporär alternativ zu der Musik sicht an genuch an der Wiss gechillt huet, kann seng Zäit och mat Boulespillen oder Kicker verdreiwen. An fir déi di gären mol bëssen méi tanken (an déi aner natierlech och), direkt nieft dem Site kann een gemittlech säin Zelt opschloen, sou dass een quasi d'Bands am Virgäertchen spillen huet!
An hei mat Sécherheet déi wichtegst Info: d’Bands :

Hallimasch
Sublind
My own ghost
Cosmic Jerk featuring Maxime Bender
The filthy broke billionaires
Bommeleeër Gewerkschaft
Go by Brooks

Den Ticket kascht 10 € an der Keess an 8 € an der Prévente. Kanner bis 12 Joer bezuelen keng Entrée. Virverkafstickete kritt een am Café little Woodstock, 77, rue de Larochette, L-7635 Ernzen oder an der Grill Zone , ZAC 1a, Klengbousbierg , L-7796 Bissen